ЕКСТЕРИЕР

  Локацијата на училиштето е во централното градско подрачје на градот Битола. Опфатот на училишните обврзници е од месноста “Арнаут маало” паркот “Синанбеј”, дел од улицата “Партизанска”, месноста Север-Југ, дел од улицата “Цар Самоил” и дел од улицата “Стив Наумов”.
    Училиштето е распространето на 3769,91 м2, што се наоѓаат во еден објект, зграда од тврда градба и дворно место од 7620 м2, кое е поделено на преден и заден двор.
Во предниот дел се наоѓаат два спортски полигони и стар историски објект - Зандан Кула, која е во фаза на реконструкција од Заводот за заштита на спомениците на град Битола и е под негово раководење. Тука се наоѓа и повеќевековното дрво - Чинар.

ЕНТЕРИЕР

 Мурал во училишниот хол

  Училиштето брои 17 училници со корисна површина од 1409,88 м2, кои се просторни и прозрачни и главно одговараат на нормативите за училишниот простор. Во училиштето се користат и 7 специјализирани училници за англиски јазик, германски јазик, техничко образование, информатика, ликовно образование, музичко образование и библиотека. Библиотеката доби адекватно, просторно место. За таа цел беше преадаптиран еден кабинет во библиотека, затоа што ОУ “Стив Наумов”-Битола располага со над 12 000 фонд на книги. Во училиштето постои сала за физичко образование. Училиштето располага и со 3 канцеларии и сопствена просторна училишна кујна.  Исто така постои и полудневен престој, т.е специјализирана училница, адаптирана според стандардите за полудневен престој.